Auditorio Xulio Amigo

Este espazo do FLIV2021 está dedicado á lembranza de Xulio Amigo.

 

Ola a tod@s!

Tras a edición do pasado ano, velaquí estamos de novo. O FLIV20 naceu como resposta a un tempo especial que ninguén querería ter pasado. Ante un parón de toda actividade moitas cousas estiveron activas no mundo das redes, entre elas a cultura, e dende o FLIV20 quixemos demostrar que a literatura, que a cultura do noso país estaba moi viva.

O FLIV21 desenvolverase entre o 26 e o 28 de marzo e teremos un programa que reflectirá un ano literario. Lembraremos as efemérides máis senlleiras, como a de Marcial Valladares, Xela Arias, Emilia Pardo Bazán... Nas mesas redondas mergullaremos nalgúns aspectos máis actuais. Nos recitais poderemos escoitar algunhas das voces máis interesantes do momento. Podemos ver as novidades editoriais no Escaparate do FLIV, conversaremos con autoras, etc...

Dámosvos a benvida e convidámosvos a entrar e a poñerse cómodos, subide ben os altofalantes e gozade da mellor literatura do momento.

 

 Programación

 

  • 11.30 h.

    Inauguración do FLIV21

    Con D. Valentín García Gómez, Secretario Xeral de Política Lingüística; D. Xurxo Couto, deputado de Cultura da Deputación da Coruña; e Marcedes Corbillón, en representación da organización. Ir ao evento

  • 12.00 h.

    200 anos con Marcial Valladares (1821- 1903): Un recordatorio da súa vida e da súa obra

    Relatorio desde a ollada experta de Xosé Antonio Fernández Salgado (filólogo e profesor na UVigo). Ir ao evento

  • 13.00 h.

    A literatura infantil e xuvenil galega é atrevida

    Mesa redonda con Eva Mejuto (escritora e coordinadora do Salón do libro Infantil e xuvenil); Antía Yáñez (escritora e docente); Nee Barros (escritor e divulgador cultural) e Irene Pérez (@surfeandolibros) (divulgadora cultural). A LIX non é só unha prescipción facultativa para as aulas, pero pode ser o camiño para comprender a necesidade da lectura e as achegas da literatura para cada persoa. Non hai idade para ler LIX, ser novxs non condiciona a escolla literaria. Ou si? E se falamos de calidade e temática? Somos xs galegxs afortunados ou botamos algo en falta? Ir ao evento

  • 14.00 h.

    Novidades editoriais Rinoceronte editora.

    Moisés Barcia presenta as propostas máis senlleiras do que vai de tempada editorial para lectorxs de todxs os gustos e idadxs. Non sabes que ler a continuación? Déixate engaiolar, hai un libro para ti. Ir ao evento

  • 17.30 h.

    Novidades editoriais Hércules edicións

    Ánxela Gracián presenta a súa tradución de Bruxas, a forza invencibles das mulleres, de Mona Chollet. Non sabes que ler a continuación? Déixate engaiolar, hai un libro para ti. Ir ao evento

  • 18.00 h.

    Emilia Pardo Bazán: Son unha radical feminista

    Relatorio desde a ollada experta de Marilar Aleixandre (escritora, investigadora e académica da RAG). Ir ao evento

  • 19.00 h.

    Novidades editoriais Laiovento edicións

    Rocío Viéitez presenta a nova colección da editora, Candemaia, que traducirá ao galego grandes autoras da literatura universal. O primeiro título é Mociñas, de Louisa May Alcott. Non sabes que ler a continuación? Déixate engaiolar, hai un libro para ti. Ir ao evento

  • 19.15 h.

    Entrevista con Érica Esmorís

    Sobre Patio de luces (editorial Xerais, con ilustracións de Juan Berrio) é unha das últimas publicacións da autora. Premio cidade de Málaga no que coñeceremos os habitantes do edificio onde traballa o avó de Lea. Ir ao evento

  • 19.45 h.

    Novidades editoriais Através editora

    Presentación das novidades de Através. Non sabes que ler a continuación? Déixate engaiolar, hai un libro para ti. Ir ao evento

  • 20.00 h.

    Álvaro Cunqueiro corenta primaveras despois

    Relatorio desde a ollada experta de Armando Requeixo (crítico e investigador literario). Ir ao evento

  • 11.00 h.

    Xela Arias, unha aproximación á súa obra e vida

    Relatorio desde a ollada experta de Chus Nogueira (ensaísta, crítica e profesora da USC). Ir ao evento

  • 12.00 h.

    Recital: Slam Poetry

    A palabrafalada é unha achega poética que combina o ritmo literal co ritmo musical que se acada coa voz e a xestualidade. Parte do colectivo galego desta disciplina ofrece un recital para non perder. Brais Nogueira, Andrea Valle, Pompa&Boato, Peter Brea, Diego Horchovski. Ir ao evento

  • 12.30 h.

    Novidades editoriais Banda Deseñada

    Eduardo Maroño leva anos lendo BD e falando de BD. Desta volta achéganos unha panorámica sobre a produción artística galega nesta disciplina. Non sabes que ler a continuación? Seguro que hai unha proposta de BD para ti. Ir ao evento

  • 13.00 h.

    Intervencións poéticas, poéticas insubmisas.

    Mesa redonda con Arancha Nogueira, Emma Pedreira, Carlos Negro e Carlos da Aira. A poesía en papel e a poesía na pel. O directo, as formas de comunicación da poesía e os formatos de contacto. A emoción nas palabras lidas e sentidas. A resaca dos movementos poéticos dos noventa, os festivais, a necesidade de interpretar a normalidade (nova, vella, emprestada ou azul). Ir ao evento

  • 18.00 h.

    Novidades editoriais Galaxia

    Francisco Castro presenta as propostas máis senlleiras do que vai de tempada editorial para lectorxs de todxs os gustos e idadxs. Non sabes que ler a continuación? Déixate engaiolar, hai un libro para ti. Ir ao evento

  • 18.15 h.

    TEATRO INTERRUPTUS

    En colaboración coa publicación especializada en artes escénicas Erregueté varixs dxs dramaturgxs len os seus textos: Xesús Pisón, Teté García, Diana Mera, Merche Pérez, Tito Asorey, Ana Carreira, Francisco Oti, Julio Fer, Zé Paredes, Carlos Santiago, Olivia Pena. Lembramos o labor de Xosé Manuel Pazos a través da lectura dun extracto de María Soliña na voz de Casilda Alfaro. Ir ao evento

  • 19.30 h.

    Ser actor é cousa de homes

    Mesa redonda con Camilo Franco, Monti Castiñeiras, Fran Lareu e Óscar Allo. Que pasa cando os homes teñen que facer de homes. Como é a condición masculina da interpretación e que piden hoxe como requisito para pasar por un. Tres actores galegos de teatro, cine ou televisión explican as vantaxes e dificultades dos roles de home de ficción, as circunstancias que corresponden a ser actor e galego e cal é a situación dunha ficción que se resiste a abandonar os vellos prototipos. Ir ao evento

  • 20.15 h.

    Recital: Editorial Medulia

    Andrea Fernández Maneiro, Manuel López Rodríguez, Raúl Gómez Pato e Xosé Henrique Rivadulla Corcón ofrecen un recital. Ir ao evento

  • 21.00 h.

    Entrevista a María Rei

    Entrevista sobre a novela Flores de ferro (editorial Galaxia, premio García Barros 2020) é a novela debut da autora. Unha historia de silencios, do horror; pero tamén de memoria, de resiliencia, de sororidade. Ir ao evento

  • 11.15 h.

    Cen anos do poeta e crego Faustino Rey Romero

    Relatorio desde a ollada experta de Xosé Ricardo Losada (escritor e docente). Ir ao evento

  • 12.15 h.

    A novela desde a memoria do propio

    Mesa redonda con Suso de Toro, Xesús Fraga, Berta Dávila e Esther Gómez. Un señor elegante (Xerais), Virtudes (e) Misterios (Galaxia) e Illa decpeción (Galaxia) son tres exemplos da construción da ficción narrativa desde a ficción do persoal. Hai orde na autorrepresentación? Condiciona a contorna pandémica a visión narrativa? Somos universos de experiencias comúns ou illas de excepcionalidade? Ir ao evento

  • 13.30 h.

    Recital: Binomio poético

    Con Oriana Méndez e Manuel López Rodríguez. Ir ao evento

  • 14.00 h.

    Novidades editoriais Aira

    Dende Allariz César Lorenzo presenta as propostas máis senlleiras do que vai de tempada editorial para lectorxs de todxs os gustos e idadxs. Non sabes que ler a continuación? Déixate engaiolar, hai un libro para ti. Ir ao evento

  • 18.00 h.

    Novidades editoriais Xerais

    Presentación das obras gañadoras dos premios Xerais 2020. Ir ao evento

  • 18.15 h.

    Entrevista con Xosé Henrique Rivadulla Corcón

    Falamos sobre a realidade e da traxedia que supón os naufraxios na obra de Rivadulla Corcón Ir ao evento

  • 19.00 h.

    Criticar a crítica. De criterios e outras peneiras

    Mesa redonda con Inma López Silva, Xina Vega, Afonso Becerra e Manuel Forcadela. Catro críticxs expertxs dialogan arredor da comunicación entre crítica, autorxs e comunidade lectora e espectadora. A función da crítica, a súa necesidade, a súa calidade e presenza en redes ou o impacto dos premios literarios na narrativa/poesía/e teatro a debate. Ir ao evento

  • 20.30 h.

    Cultura segura, cultura resiliente

    Mesa redonda con Anna R. Figueiredo, María Armesto (autora e Directora Artística da Mostra Internacional de Teatro Cómico e Festivo de Cangas), Camilo Franco (escritor, crítico e xornalista), Maribel Tato (libreira e divulgadora cultural) e Anxo Lorenzo (músico, coordinador do Festival Intercéltico do Morrazo). Catro expertxs na creación e promoción cultural dialogan sobre a construción da cultura galega desde o teatro, a literatura e a música tradicional nos escenarios pre-pandremia; 2020 e de cara ao futuro. A cultura é segura, pero sabemos que ofrece a cultura? Que definimos como tal? Ir ao evento

 
 

 

Empregamos cookies propias e de terceiros, analizando os seus hábitos de navegación na páxina web, coa finalidade de garantir a calidade, seguridade e mellora dos servizos ofrecidos a través da mesma. Nos casos en que o usuario non manifeste expresamente se acepta ou non a instalación das cookies, pero continúe utilizando a páxina web, entenderase que éste dá o seu consentimento, informándolle expresamente da posibilidade de bloquear ou eliminar as cookies instaladas no seu equipo mediante a configuración das opcións do navegador. Pode obter máis información na nosa Política de privacidade e Política de cookies. Ver a Política de cookies