Ben, chegou o intre de dicir adeus e, aínda que a partires de mañá será o momento de pensar e repensar todo o acontecido esta fin de semana, agora baixamos a cortina.

Rematamos cansos. Moi cansos. Foron dous meses de moito traballo, de moitas horas, así que, aínda que a partires de mañá será momento de valorar o FLIV e os seus acertos e os seus fallos, agora só ficamos agradecidas. Moi agradecidas. Estamos moi agradecidas a toda a xente que nos apoiou dende o comezo, a todas as persoas que co mellor dos seus sorrisos dixéronos que si, que querían participar, que querían estar no FLIV. Que creron no FLIV.

E velaquí estamos, dándolles as grazas a todas elas. Grazas ás escritoras, editoras, libreiras que nos abriron portas e libros. Grazas a Diego Seixo e o teu magnífico traballo. Grazas ás institucións que estiveron ao noso carón. E, sobre todo, grazas a ti, que les libros, que les literatura galega, que fas que que a nosa cultura medre cada vez que pasas a folla dun libro. A ti, que esta fin de semana estiveches ao outro lado da pantalla. Grazas!

Vémonos!

 Programación